قرصان أخر زمان للشاعر حسن عبد السلام

و كان يا مــــكان ... زمان في ســــــــالف ... الأوان

كان للـــــــسفن ... قرصان بعــــــــــــــــــــنين ملونه


و كان قرصـــــــــان جعان مش لاقى يجـــــــيب لبان

كان يســـــــــــــرق حبهان أو تونـــــــــــــــه مدخنه


فوق في بحـــــــور العلالى تحـــــــت القطب الشمالى

من اصل ... برتغــــــــالى و بيــــــــبعد .... عن هنا


بس النهارده ... فجـــــــــأة ظــــــــــهرت لنا المفاجأة

قرصان رهيـــــــب و لزقه و معشـــــــــــش ... جنبنا


قرصان طمـــــــاع و غالى و اتـــــــجنس بالصومالى

جايلنا ... بفــــــــــكر عالى يطــــــــــــــفش ... رزقنا


يأسر يومى .. سفــــــــــينه يســـــــــحبها هناك رهينة

يطلب فديه مهـــــــــــــــينه أرقـــــــــــــــام .. تخضنا


و اللى بيحــــــجز .. سفينه قد مســـــــــــاحه .. مدينه

تبقى عصـــــــــابات مكينه و كمـــــــــــان ... متمكنه


عصابات سلاحها عصرى عينها عليك ... يا مصرى

إنت و بشــــــــكل حصرى عامــــــــلين لك ... أكمنه


اللى بيحـــــــــــصل خطير مشــــــــروع هدفه الكبير

دخل القــــــــــــــــناه يطير و يشــــــــــــــــحت شعبنا


سيبنا الصــــــــومال مقطع جــــــــاله الغريب يبرطع

يحتل ألــــــــــــــــف موقع يهــــــــــــــــــدد ... أمننا


سيبناه .. اكله الدمــــــــــار خــــــــلف عصابات كتار

قلقت أمن الجـــــــــــــــوار بمـــــــــــــا فيهم ... أمننا


و دارفور دورها جــــــاى و غـــــــــزة ... الله حى

بعد الصومال ياخــــــــــى فـــــــــــين أمن ... قومنا


لابد يكون ... فـــــــي رد و مانــــــــستأمنش ...حد

و ما نستــــــــــــهونش ند قاعــــــــــد ..... يكيد لنا


أنا خــــايف م اللى أخطر تـــدويل ... البحر الأحمر

ملعــــــوب وياه حانصغر في نهـــــــــاية ... محزنه

الشاعر حسن عبد السلام( ديوان هموم مصريه