قصة حب وهميه للشاعر حسن عبد السلام

أنا انســـــــــــــــــانه عاطفيه - مشاعر حبى وهمــــــــــيه

كتبت كتير ملـــيت صفحات --- ف قصــــــــــة حب خياليه

بديتهـــــــــا ف يوم من الايام -- بكلمــــــــــــة شوق وحنيه

رسمها لى فى وســــــط كلام -- فى ورقه حــــــــب ورديه

وانا علشان باعيش فى فراغ - وكان لى الـــــــــحب أمنيه

لقيت روحى فى غمضة عين بديت مأســـــــــاتى بايديا

ما هواش ذنبـــــــــى أو ذنبه - دا ذنب القـــــــــــلب وعنيا

أنا انســــــــــــــــانه عاطفيه مشاعــــــــــر حبى وهميه

كتبت كتير ملــــيت صفحات --- ف قصـــــــــه حب خياليه
*** *** ****

أنا حبيـــــــــــــــته من قلبى ولكن قلبه مــــــــــــش ليا
-
دا قلــــــــبه ف اخر المشوار --- ووصـــــــــلت واحدة قبليا

حاولـــــــــت أبعدها م الاول -- وغدر الدنيــــــــــا كان فيا

ولا رضــــــــيتشى تتحول -وانا اللى خسرت مش هى

أنا اتعـــــــــــــــــذبت جوايا -- دا بعد عذابـــــــــى بعنيا

وحبـــــــــى من طرف واحد -- جحيم وزرعتـــــــــه حواليا

أنا عمــــــرى ما قول حبيت -مشاعر حبــــــــــــى وقتيه

أنا لاسهـــــــرت أو ضحيت --- ومعنى الحــــــــب تضحيه


ما هواش ذنبـــــــى أو ذنبه دا ذنب القلــــــــــب وعنيا

أنا انسانــــــــــــــــه عاطفيه مشاعر حبــــــــــى وهميه

كتبت كتير مليت صــفحات -- ف قصة حـــــــــب خياليه

الشاعر حسن عبد السلام ( ديوان اذكرينى )