ليه يامصرى للشاعر حسن عبد السلام

ليه يامصرى تسيب غسيلك ------ م الوساخه بيشغى دود

ليه باشوفه اليوم مقطع----- ليه بدم اخوك مبطع
... ... ...
... ... ليه بقيت قاتل حقود

ايه اللى جد عليك يامصرى------ دا اللى شايفه بيعمى بصرى

كرهه!!!!! مش محتاج شهود!!!

هان عليك تقتل شقيقك-------- لجل ماتشجع فريقك!!!

غل مالقيتلوش وجود

زى ماتكونم ضراير واتفطمتم ف السراير

رضعوكم ف الصغربرميل بارود!!!

فيكوا غل مالوش حدود

كل يوم بسمع مصايب -- صيتنا لاخر الدنيا جايب

شيمتوا فينا بيض وسود!!!

الامان غاب م الشوارع --- سيطكو لاخر الدنيا طالع

غابه ينقصها القرود

مصر فقدت الرياده--- هدها مخ البياده والفلول اخر سعاده

سيبنا ايه بقى لليهود!!!

قلبى يابلادى انفطر واللى شايفه اكيد خطر

والنيل بيصرخ م الركود

قلبى مفلوق الف فالقه وف نافوخى واخدلى علقه

خايف اصحى بكره القا مصر مبقالهاش وجود

خايف اصحى بكره القا مصر مبقالهاش وجود

الشاعر المقهور على بلده حسن عبد السلام