سر جمال شعر الهنود

/ الفرق بين زيت الخردل المصري والهندي ؟؟ واي الانواع افضل ؟؟

بصوا يا قمرات الفرق بين زيت الخردل المصري والهندي هو الفرق بين التفاح البلدي والامريكاني
هو نفس النبات بس الخواص بتختلف علشان البيئة المحيطة النبات مختلفة
ده مش معناه ان المصري مش بيجيب نتيجة لا
لكن النتيجة مش حتكون بنفس سرعة وكفائة الزيت الهندي
وعلى فكرة اقليم شبه جزيرة الهند (الهند /بنجلاديش/ باكستان )هما اكتر بلاد مشهورة بزراعة الخردل

.................................................. ...............

اجيب زيت الخردل منين ؟؟؟

زيت الخردل موجود عند العطارين ف كل مكان
وممكن اوي تلاقي الهندي او الباكستاني عند محلات العطارة الكبيرة

.................................................. ..................................

والبارشوت ايه الفرق بينه وبين البارشوت جولد ؟؟ واجيبه منين ؟؟؟

بصي يا سكر البارشوت هو زيت جوز هند صافي لكن البارشوت جولد مخلوط عليه مجموعة زيوت تانية

وانا ليه بقولك هاتي البارشوت الاصلي لاني شفته الزيت كان تقيل وف البرد بيتجمد لكن بصراحة اللي شفته ف الصيدلية هنا عندنا ف مصر كان زي الميه

وعلى فكرة في ناس كتير كانت بتخاف من زيت جوز الهند بيقولوا بينشف الشعر لا والله
انا عندي اختي الصغيرة شعرها ناشف وفي كسرة والله شعرها مجاش على اي زيت غير البارشوت

والزيت ده لو ليكي حد ف اي دولة عربية سهل اوي يجيبهولك لانه بيتباع ف دول الخليج كلها

ولو ملكيش حد استعملي اللي ف السوق عندنا

.................................................. ...........................

طيب الزيوت دي على بعضها ولا كل حاجة لوحدها واستخدمهم ازاي ؟؟؟

لا مش على بعضها
زيت الخردل حمام زيت 3 مرات ف الاسبوع لمدة اسبوعين
وبعد كده مرتين ف الاسبوع مدة اسبوعين
وبعد كده مرة كل اسبوع

وزيت البارشوت دهان عادي

.................................................. ..............................

اعمله حمام زيت ازاي ؟؟ اسخن الزيت ؟؟

حبيبتي اياكي وتسخين الزيت ع النار لا مع الخردل ولا مع اي زيت
لان النار المباشرة بتاكسد الزيت وبتفقده خاصه وممكن تديله خواص تانية تضر الشعر مش تفيده

حمام الزيت
حطي شوية زيت ف فنجان صغير علي قد ما حتستخدمي
حطي الفنجان ف طبق فيه ميه دافيه بس طبعا متخليش الميه تدخل الفنجان احنا عايزين بس نعمله حمام ميه لحد ما الزيت يدفا

وبعد كده قسمي شعرك بالطول وباطراف صوابعك دلكي فروة الراس
وبعد كده اربطي شعرك بطرحة عادي وخشي نامي والصبح اغسليه بالشامبو بتاعك عادي وادهنيه بارشوت

.................................................. ...........................


طيب والزيت ده بيعالج سقوط الشعر ولا بيعمل ايه ؟؟ وينفع استخدمه لطفل صغير ؟؟


حبيبتي الخردل بيطول الشعر حوالي 4 سم ف الشهر وبيعمل على انبات بوصيلات جديدة للشعر فبالتالي الشعر بيتقل

وبيمنع سقوط الشعر كل ده ف مدة 28 يوم

والله مش حتصدقي النتيجة بس الكلام ده ف الزيوت الاصلية لكن لو الزيت مخفف او نوعية مش كويسة معرفش النتيجة بتظهر بعد اد ايه


وطبعا بيستخدم للاطفال الصغيرة

اصلا الهنود بيدهنوا بيه اجسامهم واجسام اطفالهم لانه مفيد جدا للجسم كمان


سبحان الله ولو راجعتي الطب النبوي حتشوفي فوايد لا تعد ولا تحصي عنه

..................................................