نكت مقارنات.........اكيد هاتعجبكو

الفرق بين طريقه كلام البنات والولاد فى الموبايل:

البنات:

ازيك يا دودو
...الحمد لله يا قمر وحشانى
تسملى يا جميله لازم نشوف بعض
اكيد يا قلبى
كنتى قمراية اخر مرة و لبسك شيك

كلام حلو لكن جوا قلوبهم نفسنه 24 ساعه + غيرة

الشبــاب

ازيك يا زفت
عامل ايه يا حيوان
تمام واحشنى يا ندل مش بتسأل
هشوفك النهارده متـاخرش كعادتك يا معفن
تعالى علشان اظبط اهلك بلاى ستيشن
مع السب والشتم لكن كله محبه واخلاص
************************************
مقارنه بين الولد والبنت
المقارنة الاولى
************
- بالنسبة للفتاة لو مر اودامها ولد وكانت معجبة به فبتبص عليه نصف نظرة من تحت لتحت كدة عشان محدش ياخد بالة

...- أما بالنسبة للولد يلف رقبتة 360 درجة كالصقر وتجد نصف سكان الشارع قد كشفوا امره من خلال تلك النظرة

____________

المقارنة الثانية
************
اما يبقى فية قطة داخل البيت

- بالنسبة للفتاة فانها بتقرب منها بهدوء وتمسكها برفق وتروح مأكلها وبعد كدة تروح الى الباب بهدوووووووء وتحطها برة بكل ادب ثم تغني لها أغنية آسفة لأصالة ثم تعد القطة أنها ستدخلها غدا والمسكينه بتستنى الغد بفارغ الصبر وتروح قافلة الباب وتذهب للنوم

- اما الولد فلا يصدق نفسه حين يرى قطا داخل البيت . في تلك اللحظة يتخيل نفسه زين الدين زيدان يسدد ضربة حرة فتجد القط المسكين مرمى في الزاوية اليسرى للنافذة وهو طائر تسمعه يقول للولد (روح ياشيخ الله ينتقم منك ) قبل أن يسقط في أقرب زبالة
*******************************************
************
اما يبقى فية صرصار فى البيت

- حين تجد الفتاة صرصار بالليل تصرخ كأنها تؤدى السمفونية الأخيرة لبتهوفن
ثم تستجمع شجاعتها وتحضر المبيد وترشه وهي تقول حتموت يعني حتموت والله لأموتك والصرصار بيضحك على خفة دمها لحد مينزل عليه أبوها بالشبشب

- أما بالنسبة لأخينا فانه حين يجد صرصار ينتابه جنون العظمة فيعتقد انه هتلر ويضحك ضحكة حتى تبرز جميع أضراسه المخفية ثم يمسك الصرصور ويبدأ بعملية التعذيب فينزع له الرجل الاولى ويسأله : بابا فين

الرجل الثانية : ماما فين

الثالثة : اخواتك فين

الرابعة : ساكن فين

الى ان تنتهي أرجل الصرصور ويتركه حيا حتى يكون عبرة لكل صرصور حاول أن يتجرأ ويظهر له وهو موجود

***************************************

الفرق بين جهاز كمبيوتر الولد وجهاز البنت




...اولا جهاز البنت ليدز فرست


من النظرة الاولى من بعيد للشكل العام للجهاز

تلاقى الجهاز نضيف ومرتب وحواليه دباديب او عرايس او

لعبها وتلاقيها لازقة عليه صور فراشات او صور رقيقة وقلوب

وحجات كلها دلع ورقة وتلاقى كرسيها نضيف وسليم وشكلة

حلو ومحطوط بشكل صحيح ادام المكتب

تفتح الجهاز تلاقى صوت نغمة رقيقة مع فتح الجهاز وحاطة

خلفية صورة رقية شخصية ليها او صورة بنت جميلة او وردة

تقلب فى الملفات تلاقى اسماء الملفات عندها جميلة زى



صور اطفال
صور فساتين
صور موضة
افلام رومانسية
اغانى عاطفية

تفتح الهيستورى بتاع الجهاز تلاقيها كانت مشغلة حجات زى

فيلم تيتانيك
مواقع نكت
مواقع موضة
قهوة كتكوت
اغنية تملى معاك
اغنية بهواك
مواقف كوميدية

تفتح الميل بتاعها تلاقيها حاطة نك نيم رقيق زى

بنوتة شقية
دلع
حبوبة
حب عمرى

لو دققت شويه فى تاريخ تسطيب الويندوز ممكن تلاقى الويندوز شغالة معاها من حوالى 7 او 8 شهور متغيرتش

تيجى تشم ريحه الجهاز تلاقى رحتة برفان جميل

ولما تيجى البنت تقفل جهازها تلاقيها قفلت الحجات الى مشغلاها حاجة حاجة وبعدين تدوس شت دوان وتسمع نغمة
رقيقة

والجهاز بيقفل

-=-=-=-=-=-=-=-=-=-=-ــــــــــــــــــــــــــــــــــــــــــــــــــ ـــــ=-=-=-=-

نخش على اجهزة التماسيح الى هما الشباب



من النظرة الاولى للجهاز ووضعه من بعيد تحس انك داخل على حاجة شبة التوكتوك الى عامل حادثة ومطلعينه من ترعة

تلاقى
الكيس مفتح من كل ناحية وفيها خروم غريبة ولو بصيت جواها تلاقى فيها حجات
ومواد غريبة غالبا ممكن تكون مشتعلة وملهاش اى علاقة بالجهاز

وتلاقى الهارد متعلق زى الدبيحه من السلك بتاعه ومتعرفش لية
وتلاقى كمية وصلات عجيبة داخلة وخارجة من الجهاز ومش بعيد تلاقى متوصل معاهم خرطوم مية

وتلاقى باب السى دى مفتوح من غير اى داعى بالرغم من انك تحاول تقفلة هتلاقيه بيتفتح تانى لوحدو

الشاشة ممكن متلاقيش قعدتها اصلا
وممكن متلاقيش غطاء الشاشة الخلفى برضو كنوع من انواع التهوية
ولسعات سجاير وطفاية فى كل حته من الجهاز

وتلاقى الكى بورد سلكها ملحم فى بعضه وزرار الانتر وبعض الازرار المهمة غالبا مش هتلاقيها

وبالنسبة للكرسى ده لو لقيت كرسى او حاجة شبه الكرسى هتلاقيه مليان بقع شاى وسجاير وغالبا هتلاقيه واقف على 3 رجول بس

تيجى تفتح الجهاز وتدوس على زورار الباور ده لو لقيتة وملقتش سلكتين تلمسهم فى بعض عشان الجهاز يشتغل زى عربيات مكروباص الترامكو

يجى الجهاز يشتغل تسمع صوت كركرة غريب واصوات تانية شبيهه بالطرقعة المكتومة

تعدى
كل ده وتبتدى الويندوز تفتح تسمع صوت نغمة الويندوز نغمة غريبة الجماعة
بتوع ميكرو سوفت لو سمعوها هيبطلو ينزلو نسخ للشرق الاوسط تانى

تفتح الويندوز تلاقيه حاطط خلفية ثعبان او جمجمة مرعبة او صورة غريبة ليه هو واصحابة تفكرك بالمخلوقات الفضائية
الى جاية من عالم غريب



تدخل تقلب فى الملفات تلاقى اسماء الملفات غريبة وعجيبة
حشحش
دحدح
بتنجانة
صور معيز
صور حوادث
مصارعة

و 70% من الملفات هتلاقيها تحت سلسلة اسماء
New Folde11
New Folde12
New Folde13
New Folde14
الى ما لا نهاية

تفتح الهيستورى بتاعه تلاقى اخر حجات شغلها زى
ساو 3
ديد سيلنت
اغنية البلح البلح
صور مصارعين
كليب بوس الواوا
اسماء مواقع تخاف اصلا تخشها
نكت حشاشين

تفتح الميل بتاعه تلاقيه حاطط نك نيم يرعب البنات

الشيطان 10
البجح
سفاح المعيز
المحشش
كمبورة
عاشق الموت

لو دققت فى تاريخ تسطيب الويندوز ممكن تلاقيه مسطبها قبل متيجى بساعتين
طبعا ريحه الجهاز هتلاقيها شبة متور العربية المحروق

ولما يجى يطفى الجهاز لو فاتح ايه ميقفلهمش واحده واحده لا شد الكابل على طول من غير تفاهم اكنه بيعزب كافر
لانه طبعا ميعرفش حاجة اسمها امر شود داون

كمان لو فى فلاشه يا لهوى
فلاشه البنت نضيفه ورحتها حلو وبالغطا بتعها وفى علبتها
اما فلاشه الشباب

طالع عينها مكسوره ومن غير غطا اصلان وتحس ان قطار معدى عليها ومفرومه
ــــــــــــــــــــــــــــــ